Yook 101 - Yomgkom

Dewid ye yook. God yaningko kankooni ye yook.

¹ Ne kuu eb womoniyiibban ye mimyob dowakeniib anammo wengyundiyiib ye dowad yook wingkaniin, o Yariman, ewaningko kankooni yook wingkaniin.

² Ne kuu ongme kaadkereni ambarakmoon kii ande dedmoniyiibban ye kerekmen yaambed dobaraniin. Komo aron arimbed ne yaa mananeeb? Nambiwoom dobaraniin kuu ne niindem aom ma aadikmiyiibbanbed dobaraniin.

³ Ne indob ari kuu karakiib arewa ye barang kuu ma dowakeniib kerainban. God yaa angkurom korokbeniwendan yi kamenabi yaa kuu kongendimain, yi kuu ne ma nen kimyen wanaibban kii.

⁴ Inamen unitawiibdan kuu ne yaa kuu ambab angka keraniib, inamen arewa korem kuu kangkadmaniin kui.

⁵ Kanembed ye dia doreenman yaa yemyeb wengamborokbanabaneen kuu nembed ye kuu kebenenaniin. Kanembed ye kuu nembedmo yimin ande kerengkan kamaneen kuu nembed ye kuu angkodmenainban.

⁶ Ne kuu ne ambibkindan anam andiwen yaa karub amun ande kereknaniin, kwananiine ne yoom dobaranuub. Kane ye kuu ambarakmoon kii ande dedmoniyiibban ye kerekmen yaambed dobaraneen kuu ne yaa awawaneen.

⁷ Karub kanembed ye kuu birandimaan kuu nambiwoom kuu yeyiib dobaraanban. Karub kanembed ye kuu dudanabimaan kuu ne arinambo ari dobaraanban.

⁸ Ne ambibkin ye arewa kamenabidan kuu amkimo korem kebenendaniin. Nembed arewa kamenabidan korem kuu Yariman ye siti aombed ben bunangka kiradmaniin.