Yook 1 - Yomgkom

Buk Mimo Yook 1–41

¹ Karub kane ye kuu arewadan yi inamen ye yoman yarokban o, ambarakmenabidan yi kiwaan ari dorokban o, damangkandimbon ari nenkowe diborokban kuu, Godbed amun kerunoon.

² Ye kubi dowaken kuu Yariman ye amob yaa kerene, aronkiyiib amkiyiib kuu kimingke andangke meenmembirimaan.

³ Ye kuu at ok kebed yaa kibiniwen id iri aron yaa kuu irembirimaan areb, ye kuu biid nuubne nombirimokban areb. Komo ambangkaneen kuu yiminmo keraneen.

⁴ Kumban arewa kamidan kuu kwamunemban. Yi kuu nuubbed yob aom aab wure kanwinimaan areb.

⁵ Kwani kowe, arewa kamidan kuu wengyundi yaron ari kuu doraibban, kwane, ambarakmidan kuu yorokmodanbed nedbimbon ari kuu doraibban.

⁶ Amborom kuu Yarimanbed yorokmodan yi dobiri kiwaan kuu oone wedme kerendobirimaan, kumban arewa kamidan kuu monmari ye kiwaan ari weniib.