Minkunga 99 - Nkanda Wu Moyo Nguizani yimona ayi minkunga

Minkunga 99 Lubuongimina Yave bila widi wunlongo

¹ Yave weti yala, bika makanda matita vuandisidi kundu kiandi ki kipfumu va khatitsika Bakeluba. Bika ntoto wunikuka.

² Yave widi wunneni mu Sioni widi wuyayusu va yilu makanda moso.

³ Bika bazitisa dizina diaku dinneni ayi ditsisi. Niandi widi wunlongo.

⁴ Ntinu widi wu lulendo wunzolanga busonga. Ngeyo wukindisa mambu mafuana Mu Yakobi, wuvanga momo madi masonga ayi malulama.

⁵ Luyayisa Yave, Nzambi eto. Lubuongama va ntuala buangu kioki keti tetikanga malu mandi. Niandi widi wunlongo.

⁶ Moyize ayi Aloni baba va khatitsika zinganga ziandi zi Nzambi ; Samueli wuba va khatitsika bobo bantelanga dizina diandi, batela Yave ayi niandi wuba vana mvutu.

⁷ Niandi wuba yolukila mu dikunzi di dituti. Bawu bakeba zinzengolo ziandi ayi zithumunu ziosi kaba vana.

⁸ A Yave, Nzambi eto, ngeyo wuba vana mvutu. Ngeyo wuba kuidi Iseli, ngeyo wuba Nzambi yoyi yiba kuba lemvukilanga ; ka diambu ko ngeyo wuba kuba vananga thumbudulu mu mavanga mawu mambimbi.

⁹ Yayisanu Yave, Nzambi eto. Lubuongama va ntuala mongo andi wunlongo bila Yave, Nzambi eto, widi wunlongo.