Minkunga 98 - Nkanda Wu Moyo Nguizani yimona ayi minkunga

Minkunga 98 Nzambi wizidi mu sambisa nza

Nkunga.

¹ Yimbidilanu Yave nkunga wumona bila wuvengi mambu ma kitoko. Koko kuandi ku lubakala ayi koko kuandi kunlongo mivengi phulusu mu diambu diandi.

² Yave wuzabikisa phulusu andi ; ayi wumonisa busonga buandi kuidi makanda.

³ Wutebukila luzolo luandi moyo ayi kikhuikizi kiandi kuidi nzo yi Iseli. Zitsukusunu zioso zi ntoto zimona phulusu yi Nzambi eto.

⁴ Yamikina mu khini kuidi Yave, ntoto wumvimba ; ludila mu nkunga mi mayangi va kimosi ayi miziki.

⁵ Lubula miziki kuidi Yave mu ngitala, mu ngitala ayi mu biyoko bi nyimbidi ;

⁶ mu zitulumbeta ayi mu biyoko bi phoka yi dimemi, yamikinanu mu khini va ntuala Yave, ntinu.

⁷ Bika mbu wuwakikisa biyoko va kimosi ayi kadika kima kidi muna ; bika nza ayi babo bobo banzingilanga muawu bayamikina.

⁸ Bika minlangu minneni mibula mioko miawu. Bika miongo miyimbila va kimosi mu khini ;

⁹ bika bayimbila va ntuala Yave bila wulembo yizi mu diambu di sambisa ntoto. Niandi wela sambisa nza mu busonga ayi batu mu bufuana.