Minkunga 97 - Nkanda Wu Moyo Nguizani yimona ayi minkunga

Minkunga 97 Nzambi yinneni yi nza.

¹ Yave weti yala, bika ntoto wuyangalala. Bika bisanga biobi bidi thama bimona nkini.

² Matuti ayi tombi kinkobo binzungididi. Busonga ayi bufuana biawu fundasio yi kundu kiandi ki kipfumu.

³ Mbazu yeti kuenda ku ntualꞌandi ayi yeti zinisa batu bobo beti kunlenda ku kadika ndambu

⁴ Zitsiemo ziandi zieti kienzula nza, ntoto weti mona ayi weti tita.

⁵ Miongo misiuta banga mafuta momo beti vinda mu bikundu va ntuala Yave, va ntuala Yave wu ntoto wumvimba.

⁶ Diyilu dieti yamikina busonga buandi ayi batu boso beti mona nkembo andi.

⁷ Babo bobo bambuongiminanga zimfikula beti fua tsoni ; bobo beti kukiniemisa mu diambu di bitumba. Lumbuongimina, beno zinzambi zioso.

⁸ Sioni weti wa ayi weti mona khini ayi bana ba baketo ba Yuda beti yangalala mu diambu di zinzengolo ziaku, a Yave.

⁹ Bila ngeyo Yave, widi Nzambi yizangama va ntoto wumvimba. Ngeyo widi wuyayusu ngolo va yilu zinzambi zioso.

¹⁰ Bika babo beti zola Yave, balenda mambimbi. Bila weti keba luzingu lu banlongo bandi. Niandi wukubakulanga mu mioko mi batu bambimbi.

¹¹ Kiezila kieti totuka mu diambu di batu basonga ayi khini mu diambu di bobo badi lulama mu mintima.

¹² Bika lumona khini mu Yave, beno luidi basonga ayi luzitisa dizina diandi di nlongo.