Minkunga 75 - Nkanda Wu Moyo Nguizani yimona ayi minkunga

Minkunga 75 Nzambi wela sambisa ntoto

Nkunga Asafi kuidi pfumu minyimbidi “Kadi vonda”.

¹ Tueti kuvutudila matondo, a Nzambi. Tueli vutula matondo bila dizina diaku didi difikama batu balembo yolukila matsiminanga maku.

² Ngeyo tubidi : “tsobudi thangu yifuana Keti minu ndieti sambisa mu bufuana.

³ Ntoto bu wulembo nikuka va kimosi ayi batu bandi boso Keti minu ndisimbidila makunzi mandi.

⁴ Kuidi nkua luniemo, ndintuba : ‘Kadi kukiniemisanga ngolo’ Kuidi batu bambimbi : ‘lubika vumbula ziphoka zieno.’

⁵ Lubika vumuna ziphoka zieno mu diambu di diyilu ; bikanu tubila mu nonumuna madinga !”

⁶ Kadi mutu wumosi tona ku Esite voti ku Wesite voti tona ku dikanga wulenda yayisa mutu.

⁷ Vayi Nzambi niandi weti sambisa ; niandi weti kulula wunkaka, niandi weti yayisa wunkaka.

⁸ Mu koko ku Yave muidi mbungu yiwala vinu kingolo ayi yisobokoso. Wulembo dukula kiawu ayi batu boso bambimbi badi va ntoto bela nua kiawu nate kuna dibomvi.

⁹ Vayi minu, ndiela samunanga mawu mu thangu zioso. Ndiela yimbidila nzitusu kuidi Nzambi yi Yakobi.

¹⁰ Ndiela zenga ziphoka zi batu boso bambimbi, vayi ziphoka zi batu basonga luela nanguku.