Minkunga 70 - Nkanda Wu Moyo Nguizani yimona ayi minkunga

Minkunga 70 Nzambi yiza wutsadisa

Nkunga Davidi kuidi pfumu minyimbidi mu diambu di thebokolo moyo.

¹ Yiza nsualu, a Nzambi, mu kukhula ! Yave, yiza nsualu mu kutsadisa !

² Bika bobo bantomba luzingu luama bafua tsoni ayi baba dio kombolo ! Bika bobo bantomba mbivusu ama bavutuka ku mbusa ayi bafua tsoni.

³ Bika bobo beti tuba kuidi minu : “A… A…” bavutuka ku mbusa mu diambu di zitsoni ziawu.

⁴ Babo bakutombanga bamona khini ayi bayangalala mu ngeyo ; bika bobo banzolanga phulusu aku batubanga mu zithangu zioso : “Bika Nzambi kayayusu.”

⁵ Vayi minu ndidi nsukami ayi nkua kiadi yiza nsualu kuidi minu, a Nzambi ! Ngeyo nsadisi ama ayi nkudi ama ; A Yave kadi zingila !