Minkunga 67 - Nkanda Wu Moyo Nguizani yimona ayi minkunga

Minkunga 67 Bika batu boso bazitisa Nzambi

Nkunga kuidi pfumu minyimbidi, kayimbidila mu ngitala.

¹ Bika Nzambi katusila nlemvo ayi katusakumuna ; ayi zizi kiandi kitukienzula ;

² muingi zinzila ziaku zizabakana va ntoto, phulusu aku yizabakana muidi makanda moso !

³ Bika batu bazitisa, a Nzambi ; bika batu boso bazitisa.

⁴ Bika makanda mayangalala ayi mayimbila mu diambu di khini bila ngeyo weti yadila batu mu busonga ; ngeyo wela diatisa makanda ma ntoto.

⁵ Bika batu bazitisa, a Nzambi ; bika batu boso bazitisa.

⁶ Buna ntoto wuela buta mimbutu miandi ; Nzambi, Nzambi eto, wela kutusakumuna.

⁷ Nzambi wela kutusakumuna ayi zitsuka zioso zi ntoto ziela kunkinzika.