Minkunga 6 - Nkanda Wu Moyo Nguizani yimona ayi minkunga

Minkunga 6 Yave wutsadisa

Nkunga Davidi kuidi pfumu minyimbidi, wuyimbidila wawu mu ngitala yi nana di zitsinga.

¹ A Yave, kadi kuthemina ku tsi nganzi aku ayi kadi kuphana thumbudulu bu widi ku tsi miangu miaku mi ngolo.

² Wumbona kiadi a Yave bila ndidi wulebakana, A Yave wumbelusa bila mimvesi miama mieka nduka fua.

³ Muelꞌama wulembo yami, Nate thangu mbi, a Yave, nate thangu mbi e ?

⁴ Vutikisa ntima, a Yave, wukhudi, wuphukisa mu diambu di luzolo luaku lu ngolo.

⁵ Mutu kalendi kutebukila moyo ko niandi fua. Ayi nani wela kuzitisa ku tsi bafua e ?

⁶ Mbemana vonga kuna ku kunga ; builu bu mvimba ndieti bodisa mbukꞌama mu bidilu, ndieti bodisa buangu ki ndieti leka mu matsuela.

⁷ Meso mama mabividi mu diambu di kiadi, ayi manunini mu diambu di bobo beti kundenda.

⁸ Botukanu va ntualꞌama beno boso lumvanganga mambu mambimbi. Bila Yave wuwilu bidilu biama.

⁹ Yave wuwilu yamikina kuama mu diambu di kiadi Yave kikinini lusambulu luama.

¹⁰ Bambeni ziama zioso baela fua tsoni ayi bela ba boma-boma. Bela vutikisa ku manima ayi bela fua tsoni mu nsualu.