Minkunga 58 - Nkanda Wu Moyo Nguizani yimona ayi minkunga

Minkunga 58 Nzambi widi zuzi disonga

Nkunga Davidi kuidi pfumu minyimbidi “kadi vonda”.

¹ A buevi, beno bapfumu, mu busonga lueti yolukilanga e ? Mu bufuana lueti sambisilanga batu e ?

² Nana ! Mu mintima mieno, lueti yindula makambulu masonga ayi mioko mieno milembo muangisa makhemi va ntoto.

³ Tona mu mbutukulu, batu bambimbi beti zimbala ; tona mu vumu, ntu ngolo badi ayi bantubanga luvunu.

⁴ Mitsa miawu midi banga mitsa mi nioka, banga kusa kizibikidi matu mandi

⁵ kinkambu wa mbembo yi batu bansakisanga zinioka ; mbembo yi ndoki yiyenda tsangu.

⁶ Kola meno mu miunu miawu, a Nzambi ; vuza, a Yave, meno ma zikhosi.

⁷ Bika balalakana banga maza ma nkumba ! Mu thangu bambansula mimbasa miawu, bika madionga mawu maba makambu tsongi

⁸ banga khodi yinsiuta bu yilembo diati ; banga muana wusuluka bika kabika mona thangu.

⁹ Tuamina zinzungu zieno zimona diamu di zitsendi ziba zinlangu voti ziyuma, batu bambimbi bela kombulu.

¹⁰ Basonga bela mona khini bu bela mona landi kioki bela kuba vutudila ; bela sukula malu mawu mu menga ma batu bambimbi.

¹¹ Batu bela tuba : “Bukiedika ; basonga bantambulanga mfutu mu kadika thangu. Bukiedika vadi Nzambi weti sambisa va ntoto.”