Minkunga 43 - Nkanda Wu Moyo Nguizani yimona ayi minkunga

Minkunga 43 Tula diana diaku mu Nzambi

¹ Wundungisa, a Nzambi, ayi wunzonzila mu mambu mama kuidi dikanda di batu dinkambu kinzikanga mambu maku. Wukhula mu batu ba luvunu ayi batu bambimbi.

² Ngeyo Nzambi, ngeyo zingolo ziama. Bila mbi wundozidi e ? Bila mbi mfueti diatilanga mu phasi, yamusungu kuidi mbeni e ?

³ Fidisa kiezila ayi Kiedika kiaku ; bila bindiatisa, bika bindata ku mongo aku wunlongo ayi nate ku buangu kioki weti vuanda.

⁴ Buna ndiela kuenda ku ntala wu Nzambi ; kuidi Nzambi khini ama ayi yangalala kuama. Buna ndiela kunzitisa mu ngitala, A Nzambi, Nzambi ama.

⁵ Bila mbi vongidi bobo, a muelꞌala e ? Bila mbi wulembo niongina mu khati ama e ? Tula diana diaku mu Nzambi bila ndiela kunzitisa diaka, Mvulusi ama ayi Nzambi ama.