Minkunga 3 - Nkanda Wu Moyo Nguizani yimona ayi minkunga

Minkunga 3 Kuidi Yave kumbanga phulusu

Nkunga Davidi mu thangu katina muanꞌandi Abisaloni.

¹ A Yave, tala buevi badidi woka bobo bandendidi ; batu bawombo balembo ndiendila manenga.

² Bawombo balembo tubi mu diambu diama : “Nzambi kalendi kunkula ko.”

³ Vayi ngeyo, widi nkaku ama, a Yave. Ngeyo nkemboꞌama, ngeyo wumvumbulanga ntu ama.

⁴ Ndinyamikinanga kuidi Yave. Niandi wukuphutudilanga mvutu tona ku mongo andi wunlongo.

⁵ Ndinlambadala, ndinleka tulu ayi ndinkotukanga ; bila Yave niandi wukukhebanga.

⁶ Nditinanga ko tsisi yi makabu mawombo-wombo ma batu bobo banzungididi ndambu ayi ndambu.

⁷ Yave telama ; ngeyo Nzambi ama, wukhudi. Bila ngeyo wubetidi bambeni baama baoso mu matama. Wukoludi meno ma batu bambimbi.

⁸ Kuidi Yave kumbanga phulusu. Bika lusakumunu luaku luba kuidi batu baku !