Minkunga 29 - Nkanda Wu Moyo Nguizani yimona ayi minkunga

Minkunga 29 Mbembo Yave

Nkunga Davidi.

¹ Luvana kuidi Yave, beno batu badi ngolo ; Luvana nkembo kuidi Yave ayi zingolo.

² Luvana nkembo kuidi Yave wufuanikini mu dizina diandi. Lubuongimina Yave mu kiezila ki kinlongo kiandi.

³ Mbembo Yave yidi va mbata minlangu. Nzambi yi nkembo wulembo dumi. Yave wulembo dumi va mbata minlangu minneni.

⁴ Mbembo Yave yidi yi lulendo, mbembo Yave yidi yi nzitusu.

⁵ Mbembo Yave yinkelulanga minti mi sedeli ; Yave wunkelulanga minti mi sedeli midi mu Libani mu bitini.

⁶ Wunzamisanga Libani banga muana wungombi ; Silioni banga muana wu phakasa.

⁷ Mbembo Yave yilembo totula minlaki mi mbazu.

⁸ Mbembo Yave yintitisanga dikanga. Yave wuntitisanga dikanga di Kadesi.

⁹ Mbembo Yave yimbutisanga minsuma ; yeti vambisa minsitu. Mu Nzoꞌandi, bima bioso bilembo yamikina : “nkembo”.

¹⁰ Yave wumvuandanga va kundu ki kipfumu va mbata khuka minlangu ; Yave weti vuanda banga ntinu mu zithangu zioso.

¹¹ Yave weti vana batu bandi zingolo ; Yave weti sakumuna batu bandi mu ndembama.