Minkunga 15 - Nkanda Wu Moyo Nguizani yimona ayi minkunga

Minkunga 15 Nani wulenda zinga ayi Nzambi

Nkunga Davidi.

¹ A Yave, nani wulenda vuanda mu nzo aku yi ngoto e ? Nani wulenda zinga ku mongo aku wunlongo e ?

² Woso mutu wundiatanga mu kambu tsembolo, wumvanganga mambu ma busonga ayi wuntubanga mambu ma kiedika mantotukanga mu ntimꞌandi.

³ Katubidilanga ko batu mu ludimi luandi ; Kavangilanga ndiandi mambimbi ko ayi kabivisanga nzitusu wu ndiandi ko.

⁴ Weti lenza mutu weti vanga mambimbi Vayi wunzitisanga bobo bankinzikanga Yave. Wunkebanga zindefi ziandi. Ka diambu ko yela kummonisa phasi.

⁵ Katombanga ndandu ko va yilu zimbongo ziozi kadevisa. Ayi kakikininanga ko makaba mu diambu di bedisa mutu kambulu zaba diambu. Woso wumvanganga mambu momo kalendi nikunu ko.