Minkunga 149 - Nkanda Wu Moyo Nguizani yimona ayi minkunga

Minkunga 149 Pfumu wunzolanga batu bandi

¹ Luzitisa Yave ; luyimbidila Yave nkunga wumona ; nzitusu andi mu lukutukunu lu banlongo.

² Bika Iseli kamona khini mu diambu di mvangi awu Bika batu ba Sioni bayangalala mu diambu di ntinu awu.

³ Bika bazitisa dizina diandi mu makinu ; ayi bansikila miziki mu ndungu ayi mu ngitala,

⁴ bila Yave weti yangalala mu batu bandi, weti vuatisa phulusu kuidi batu beti kukikula.

⁵ Bika banlongo bamoma khan mu diambu di nzitusu wawu ; ayi bayimbila mu khan mu zimbuka ziawu.

⁶ Bika minzitusu mi Nzambi miba mu miunu miawu ayi sabala kidi meno mu zindambu zioso mu mioko miawu ;

⁷ mu diambu di vutula landi kuidi makanda ayi mu vana batu thumbudulu ;

⁸ mu diambu di kanga mintinu miawu mu zisieni ayi batu bawu banneni mu bisengo ;

⁹ mu diambu di dukisa nzengolo yoyi yisonama mu diambu diawu ; wawu wawu nkembo wu banlongo bandi boso. Luzitisa Yave.