Minkunga 136 - Nkanda Wu Moyo Nguizani yimona ayi minkunga

Minkunga 136 Luzolo luandi luidi mu zithangu zioso

¹ Luvutudila Yave matondo bila niandi widi wumboti, luzolo luandi lunzingilanga mu zithangu zioso.

² Luvutudila Nzambi yi zinzambi matondo, luzolo luandi lunzingilanga mu zithangu zioso.

³ Luvutudila Pfumu yi bapfumu matondo, luzolo luandi lunzingilanga mu zithangu zioso,

⁴ niandi kaka, wumvanganga matsiminanga, luzolo luandi lunzingilanga mu zithangu zioso

⁵ niandi wuvanga diyilu mu diela diandi luzolo luandi lunzingilanga mu zithangu zioso

⁶ Niandi wuyalumuna ntoto va mbata minlangu ; luzolo luandi lunzingilanga mu zithangu zioso

⁷ Niandi wuvanga kiezila kingolo luzolo luandi lunzingilanga mu zithangu zioso ;

⁸ thangu mu diambu di yadila muini, luzolo luandi lunzingilanga mu zithangu zioso ;

⁹ ngondi ayi zimbuetete mu diambu di yadila builu, luzolo luandi lunzingilanga mu zithangu zioso ;

¹⁰ kuidi niandi bila niandi wuvvonda bana batheti mu Ezipite, luzolo luandi lunzingilanga mu zithangu zioso ;

¹¹ ayi wutotula bana ba Iseli va khatitsika basi Ezipite luzolo luandi lunzingilanga mu zithangu zioso ;

¹² mu koko ku ngolo ayi ku yalumuka, luzolo luandi lunzingilanga mu zithangu zioso ;

¹³ Kuidi niandi bila niandi wuvasa mbu wu mbuaki mu zindambu zizole, luzolo luandi lunzingilanga mu zithangu zioso ;

¹⁴ ayi wuviokisila Iseli va khatitsika mbu wu mbuaki, luzolo luandi lunzingilanga mu zithangu zioso ;

¹⁵ vayi wulalumusa Falawo ayi masodi mandi mu mbu wu mbuaki, luzolo luandi lunzingilanga mu zithangu zioso ;

¹⁶ kuidi niandi bila niandi wudiatisa batu bandi mu dikanga ; luzolo luandi lunzingilanga mu zithangu zioso ;

¹⁷ Niandi wuvonda mintinu minneni, luzolo luandi lunzingilanga mu zithangu zioso ;

¹⁸ ayi wuvonda mintinu mi lulendo, luzolo luandi lunzingilanga mu zithangu zioso ;

¹⁹ Sihoni, ntinu basi Amoli, luzolo luandi lunzingilanga mu zithangu zioso ;

²⁰ ayi Ongi, ntinu basi Basani, luzolo luandi lunzingilanga mu zithangu zioso ;

²¹ ayi wuvana zitsi ziawu banga kiuka, luzolo luandi lunzingilanga mu zithangu zioso ;

²² kiuka kuidi kisadi kiandi, Iseli, luzolo luandi lunzingilanga mu zithangu zioso ;

²³ kuidi niandi, mutu wowo wututebukila moyo mu kambu kueto ku luvalu, luzolo luandi lunzingilanga mu zithangu zioso ;

²⁴ ayi wutuvana kiphuanza mu bambeni zieto, luzolo luandi lunzingilanga mu zithangu zioso ;

²⁵ ayi niandi wumvananga bidia kuidi kioso-kioso vangu, luzolo luandi lunzingilanga mu zithangu zioso.

²⁶ Luvutudila Nzambi yi diyilu matondo luzolo luandi lunzingilanga mu zithangu zioso.