Minkunga 13 - Nkanda Wu Moyo Nguizani yimona ayi minkunga

Minkunga 13 Tsisi ayi diana

Nkunga Davidi kuidi pfumu minyimbidi.

¹ A Yave, nate thangu mbi wela tatamana kunzimbakana mu zithangu zioso e ? Nate thangu mbi wela kutsuekilanga zizi kiaku e ?

² Nate thangu mbi ndiela kukinuanisanga mu mayingu mama e ? Nate thangu mbi ndiela bela maniongo mu ntimꞌama mu kadika lumbu e ? Nate thangu mbi mbeni ama kela ku ndunginanga e ?

³ A Yave, Nzambi ama, wuthadi ayi wuphana mvutu, kienzula meso mama mu diambu ndibika leka tulu tu lufua,

⁴ mu diambu mbeni ama kabika tuba : “Ndinnungini” ayi muingi batu beti kundenda babika mona khini minu bua.

⁵ Vayi minu tsidi diana mu luzolo luaku lungolo. Ntimꞌama wulembo moni khini mu phulusu aku. Ndiela yimbidila Yave bila niandi wuphangidi mamboti.