Minkunga 129 - Nkanda Wu Moyo Nguizani yimona ayi minkunga

Minkunga 129 Mu phasi ndiba vayi ndisia vonga ko

Nkunga wunyimbudulu mu nzila yikuendila ku nzo Yave.

¹ Bandiamisa ngolo tona mu bumuana buama, bika Iseli katuba.

² Bandiamisa ngolo tona mu bumuana buama vayi basia ku ndunga ko.

³ Minkuni midima manima mama ; batula muawu minkala miawu mimula.

⁴ Vayi Yave widi wusonga ; niandi wuzenga minsinga mi batu bambimbi muingi ndiba mu kiphuanza.

⁵ Bika babo beti lenda Sioni bavutuka fua tsoni.

⁶ Bika baba banga biti bi mbata muanzu, biobi bieti yuma tuamina biyunduka ;

⁷ biobi mvedi kalendi wesa mu mioko miandi ko ; voti mutu wowo wunkanga mvumba kalendi wesi mu mioko miandi ko.

⁸ Bika bobo bamviokila vana babika tuba : “lusakumunu lu Yave lubanga yeno ! Tueti kulusakumuna mu dizina di Yave !”