Minkunga 128 - Nkanda Wu Moyo Nguizani yimona ayi minkunga

Minkunga 128 Bika Yave kasakumuna

Nkunga wunyimbudulu mu nzila yikuendila ku nzo Yave.

¹ Lusakumunu kuidi batu boso bobo bobo beti kinzika Yave, bandiatilanga mu zinzila ziandi.

² Ngeyo wela dia mbutu wu kisalu kiaku. Lusakumunu ayi mamboti biela ba biaku.

³ Nketo aku wela ba banga vinu yidi mbozi yiwombo mu khati nzo aku ; bana baku banga mintiudila mi olive muyendila mezꞌaku.

⁴ Buawu bobo buididi mutu wusakumunu, wowo weti kinzika Yave.

⁵ Bika Yave kalusakumuna, tona ku Sioni mu bilumbu bioso bi luzingu lueno ; bika lumona mamboti ma Yelusalemi

⁶ ayi bika lumona bana ba bana beno. Bika ndembama yiba vadi Iseli.