Minkunga 127 - Nkanda Wu Moyo Nguizani yimona ayi minkunga

Minkunga 127 Niandi weti vanga mambu moso

Nkunga Salomo wunyimbudulu mu nzila yikuendila ku nzo Yave.

¹ Enati Yave kakadi tunga nzo, buna batu bobo balembo tungi mu phamba kuandi balembu sadila. Enati Yave kakadi sunga divula buna batu bobo balembo disungi mu phamba kuandi balembo disungila.

² Mu phamba kuandi lueti kotukila nsuka-nsuka ayi lueti kambu vika lekilanga, lueti sadilanga ngolo mu diambu di bidia bi dia ; bila bobuawu keti vanina kuidi bobo keti zola bu badi ku tulu.

³ Bana badi kiuka kimbanga kuidi Yave, bosi mbutu wu bana widi mfutu wumbanga kuidi niandi.

⁴ Banga madionga mu mioko mi kinuani ki lulendo, buawu bobo buididi bana mutu kabutidi mu kimuana kiandi.

⁵ Lusakumunu kuidi mutu wowo wuwesa bawu mu khutu andi. Balendi fua tsoni ko mu thangu bela tubana ayi bambeni ziawu ku muelo.