Minkunga 125 - Nkanda Wu Moyo Nguizani yimona ayi minkunga

Minkunga 125 Ndembama yi kiedika

Nkunga wunyimbudulu mu nzila yikuendila ku nzo Yave.

¹ Bobo bantulanga diana diawu mu Yave badi banga mongo wu Sioni, wowo wulendi nikuka ko vayi wunzingilanga mu zithangu zioso.

² Banga miongo bu mizungididi Yelusalemi, buawu bobo Yave kazungididi batu bandi tona buabu nate mu zithangu zioso.

³ Nkawa wu kipfumu wu batu bambimbi wulendi vuandanga ko va mbata ntoto wukubukulu batu basonga ; bila nganu batu basonga bela sadila mioko miawu mu vanga mambimbi.

⁴ Vanga mamboti, a Yave, kuidi batu bamboti, kuidi bobo badi balulama mu mintima.

⁵ Vayi bobo beti vengama mu diatila mu zinzila zivenga, Yave wela kuba lalikisa va kimosi ayi bobo bamvanganga mambimbi. Ndembama yibanga vadi Iseli.