Minkunga 124 - Nkanda Wu Moyo Nguizani yimona ayi minkunga

Minkunga 124 Lusadusu lueto kuidi Yave lueta ba

Nkunga Davidi wunyimbudulu mu nzila yikuendila ku nzo Yave.

¹ Bika Iseli katuba : Enati Yave kasia ba ku ndambuꞌeto ko ;

² Enati Yave kasia ba ku ndambu eto ko mu thangu batu batelama mu kutunuanisa ;

³ mu thangu nganzi awu yitubuila, keti nganu mina batumina bamoyo ;

⁴ khuka nlangu yitumbu kutuvitumuna ayi nguma yi nlangu yitudiamisa,

⁵ minlangu mi nguma mitulalumuna.

⁶ Nzitusu wuba kuidi Yave mutu wowo wukambu kutuyekula batukanzuna mu meno ma miunu miawu.

⁷ Tutina banga nuni bu keti tinina mu dikondi di ntambi wu zinuni. Dikondi dikanzuka ayi beto tutina.

⁸ Lusadusu lueto luidi mu dizina di Yave, mvangi wu diyilu ayi ntoto.