Minkunga 123 - Nkanda Wu Moyo Nguizani yimona ayi minkunga

Minkunga 123 Mu phingudulu yi nlemvo andi

Nkunga wunyimbudulu mu nzila yikuendila ku nzo Yave.

¹ Ndimvumbula meso mama kuidi ngeyo Yave ngeyo beki kundu kiaku ki Kipfumu mu diyilu.

² Banga meso ma bavika meti tala mioko mi bapfumu bawu ; banga meso ma kisadi kinketo mantalanga mioko mi pfumu andi wu nketo ; buawu bobo meso meto mantadilanga kuidi Yave, Nzambi eto, nate kela kutumona kiadi.

³ Wutumoni kiadi, a Yave, wutumoni kiadi bila nlenzo wuwombo tutambudi.

⁴ Mvuezolo wuwombo tutambula kuidi bankua luniemo ; nlenzo wuwombo kuidi bankua lunangu.