Minkunga 122 - Nkanda Wu Moyo Nguizani yimona ayi minkunga

Minkunga 122 Lusambila mu diambu di ndembama yi Yelusalemi

Nkunga Davidi wuyimbudulu mu nzila yikuendila ku nzo Yave.

¹ Khini ndimona bu bakhamba ti : “Bika tuendanu ku nzo Yave”.

² Malu meto matelimini mu mielo miaku, a Yelusalemi.

³ Yelusalemi ditungu banga divula. Diodi dikangama ngolo va kimosi

⁴ Kuna kueti kuiza zimvila, zimvila Yave mu diambu di zitisa dizina di Yave boso buididi zinzengolo zivanu kuidi Iseli.

⁵ Bila kuna kutelimini bikundu bi kipfumu bi tsambusulu ; bikundu bi kipfumu bi nzo yi Davidi.

⁶ Lusambila mu diambu di ndembama yi Yelusalemi. Bika bobo beti kuzola bamona luvovomo.

⁷ Bika ndembama yiba mu bibaka biaku ayi luvovomo mu zinzo ziaku zinneni.

⁸ Mu diambu di bakhomba ziama ayi bakundi bama ndiela tuba “bika ndembama yiba yaku”.

⁹ Mu diambu di nzo Yave, Nzambi eto, ndiela tomba mamboti maku.