Minkunga 120 - Nkanda Wu Moyo Nguizani yimona ayi minkunga

Minkunga 120 Bika wukhula

Nkunga wuyimbudulu mu nzila yikuendila ku nzo Yave.

¹ Nditela Yave mu ziphasi ziama ayi niandi wupheni mvutu.

² Wuphukisa, a Yave, mu bididi bi luvunu ayi mu ludimi luidi mayuya.

³ Mbi kalenda kuvangila ayi mbi kalenda buela, ludimi luidi mayuya e ?

⁴ Wela kuvana thumbudulu mu madionga ma kinuani malengulu bumboti ; mu makala ma mbazu, ma nungu-tsendi,

⁵ mabienga kuidi minu bu ndilembo vuandi ku Metsiseki ; bu ndieti zingila mu zinzo zi ngoto zi Kedali.

⁶ Mu bilumbu biwombo ndizingila va khatitsika batu bobo banlendanga ndembama.

⁷ Minu ndidi mutu wu ndembama ; vayi minu yoluka, buna bawu beka yindula mvita.