Minkunga 101 - Nkanda Wu Moyo Nguizani yimona ayi minkunga

Minkunga 101 Kukiyekula mu nuanisa mambimbi

Nkunga Davidi.

¹ Ndiela yimbidila luzolo luaku ayi busonga ; Kuidi ngeyo ndiela yimbidila minzitusu.

² Ndiela lubaka mu diatila mu luzingu lukambulu tsembolo. Thangu mbi wela kuiza kuidi minu e ? Ndiela diatila mu nzo ama mu ntima wukambulu tsembolo.

³ Ndilendi tula ko va ntuala meso mama kadi kima kimosi ko kimbimbi. Ndieti lenda mavanga ma bobo bakambulu bakuikama malendi kundama ko.

⁴ Batu badi mintima mi mbimbi thama bela kuthatukila ndilendi vanga kadi diambu dimosi va kimosi ayi mambimbi

⁵ Woso wuntubidila mutu fikimini yandi mu kinsueki, ndiela ku ntula dio sui. Woso widi meso ma lunangu ayi widi ntima wu luniemo ; ndilendi ku nzingisa kuwombo ko.

⁶ Meso mama mela ba va mikhuikizi mi tsi muingi bakalanga yama ; woso wundiatila mu kambu tsembolo, wela kutsadila.

⁷ Kadi mutu wunsadilanga bukhita lenda vuanda mu nzo ama. Kadi mutu wuntubanga luvunu lenda telama va meso mama.

⁸ Kadika nsuka, ndiela tula dio sui batu boso bambimbi badi va ntoto ; ndiela lalikisa kisadi kioso ki mbimbi mu divula di Yave.