Minkunga 1 - Nkanda Wu Moyo Nguizani yimona ayi minkunga

BUKU YI THETI Minkunga 1 Mina mi Yave midi tho yi mamboti

¹ Lusakumunu kuidi mutu wowo wunkambu landakananga zindongi zi batu bambimbi, wunkambu telamanga mu nzila yi minsumuki, ayi wunkambu vuandanga va kimosi ayi mimvuezi.

² Vayi wummonanga khini mu mina mi Yave ayi wunyindulanga miawu muini ayi builu.

³ Mutu beni widi banga nti wukunu va muenda nlangu ; wowo wumbutanga makundi mu tsungi andi ayi meza mandi mayumanga ko ; weti mona mamboti mu mamo keti vanganga.

⁴ Vayi buawu ko buididi kuidi batu bambimbi, badi banga biti bivevumunu kuidi phemo.

⁵ Diawu, batu bambimbi balendi telama ko mu lumbu ki tsambusu, voti bankua masumu mu lukutukunu lu batu basonga.

⁶ Bila Yave zebi nzila yi batu basonga, vayi nzila yi batu bambimbi yela biva.