Yona 3 - Bible en Kiyombe

Yona ku Ninive.

¹ Buna phova Yave yiyiza kudi Yona mu khumbu yinzole, yikamba:

² «Telama ayi yenda ku Ninive, mbanza yinene, ayi wuyisamunina nsamu wundikukamba»

³ Buna Yona wutelama ayi wuyenda ku Ninive, banga bunkambila Yave. Muaki Ninive yiba mbanza yinene kudi Yave, yilenda diatulu lumbu bitatu.

⁴ Ku zimunina Yona wutona kota mu mbanza lumbu kimvimba ki diata, ayi wuboka, wukamba: «Makumi maya ma bilumbu masiedi buna Ninive mayibungu.»

⁵ Buna batu ba Ninive balekila Nzambi minu, basamuna mbinunu nsoki ayi bavuata zi tsaku, tona mutu wuluta nuna nate wuluta ntuenia mu bawu.

⁶ Mu thangu phova yitula kudi ntinu wu Ninive, buna wutelama va kundu kiandi, wuvula yunga kiandi ki kimfumu, wuvuata tsaku ayi wukala va dibombi.

⁷ Ayi phe wutuma tsamununu yayi, wusamunisa yo mu Ninive, mu lutumunu lu ntinu ayi batu bandi ba kimfumu, yikamba: «Kuisi ko mutu, kuisi ko bulu kiyodama, kineni, voti kifioti, lenda bimba kioso kima. Kadi mutu kadia bidia. Kadiambu ko nlangu, batu ayi bibulu balendi kuwunua ko.

⁸ Bavuata zitsaku, mutu ayi bulu kiyodama ayi baboka kudi Yave mu mbembo ngolo ayi babika mutu mutu nzila andi yimbimbi ayi nzila yi kikhesi ziba mu mioko miawu.

⁹ Nani zebi ti Nzambi kalendi lebuka ko, ti kalendi ba ayi luniongo ko ayi kalendi bika nganzi andi yi ngolo ko muingi tubika fukila?»

¹⁰ Ayi Nzambi wumona mavanga mawu mambote, babika nzila awu yimbi buna Nzambi wunionga mu mbi yikakana kubavangila kasi yivavanga ko.