Yona 2 - Bible en Kiyombe

Lusambulu lu Yona mu vumu ki mbizi

¹ Buna Yave wufidisa mbizi yinene yimina Yona. Mu lumbu bitatu bi muini ayi bi builu, Yona wuba mu vumu ki mbizi.

² Kuna kasambila Yave, Nzambi andi:

³ «Bu ndiba mu phasi Minu ndiboka kudi ngeyo, Yave Buna wuphutudila. Mu vumu ki tsi yi bafua Minu nditomba lusadusu buna Wuwa mbembo ami.

⁴ Wundoza mu m'bu, Mu phinda nlangu. Wuviokisa va minu mayo.»

⁵ Ndikitubila: «Ndozolo Thama ayi ngeyo, Yave, vayi thidi buela Mona nzo aku yi nlongo.»

⁶ Nlangu wutula Nate va mvudi. M'bu Wundiamisa, biti Binlalama va Mbata Nlangu bizingalakana ku ntu.

⁷ Ndikulumuka va Thonono miongo, Tsi yi bafua yizibika mielo Mu thangu zizio va minu, Vayi ngeyo Yave Nzambi ami, Wuthombula wumoyo Mu phinda.

⁸ Mu thangu moyo weti suka, Mbambukidi moyo kudi ngeyo, Yave, ayi lusambulu luami Lutudidi ti kudi ngeyo, Mu nzo aku yinlongo.

⁹ Babo bansambilanga Nzambi Zi biteki banzimbisanga Ndunzi yi phulusu.

¹⁰ Vayi minu mandiyimbila Mbambukulu Ami yi moyo, Mandiyokila nkayilu, Mandi simbidila Zitsila zindisila!

¹¹ Mu lutumu lu Yave, mbizi wuluka Yona va ntoto wuyuma.