Nkunga mi Maniongo 5 - Bible en Kiyombe

Wutuvutula kudi ngeyo, Yave

¹ Yave, kadizimbakana Matubuididi, tala Ayi mona tsoni zieto.

² Mvuilu eto yinlongo Yele Kudi batu bankaka ayi Zinzo Zieto ziveno kudi banzenza.

³ Mase meto basiedi vo ko. Tueka bisana ayi ngudi Zieto mafuola.

⁴ Tulendi nua nlangu ko ti Tukadi wusumba mu Mbongo ayi Tufuiti sumba zikhuni zieto.

⁵ Nzomi mieto balembo Kutulandakana, tuvongidi, Tuisi ko luvundulu.

⁶ Tunonuni koko ku Ngipiti ayi ku Asilia, muingi tubaka kidia.

⁷ Bakulu beto bawu Bavola masumu. Basiala awu vo ko, vayi beto Tuneti zitu ki mambi mawu.

⁸ Minanga beka zimfumu Zieto, kuisi ko mutu lenda Kutu kula mu moko mawu.

⁹ Muingi tubaka kidia, tufuiti Nuana ayi bidovula Mu tsi khatu.

¹⁰ Mu diambu di nzala, Nkanda nitu Eto wulembo vie Mbazu banga mutu Widi ku foloni ki mbazu.

¹¹ Balembo bongi bakheto mu Kingolo mu Sioni ayi bandumba Mu zimbanza zi Yuda.

¹² Babuididi zimfumu ayi Babaledikidi, kusiedi ko Vumi mu binunu.

¹³ Bantueni bananguni tadi di Nikina zitheti, Bamatoko balembo Bue Ku tsi zitu ki zikhuni.

¹⁴ Bakulutu bakondolo Mu mielo mi Mbanza, bantuena bakadi Bue sika tsambi yi nsinga.

¹⁵ Kiese ki ntima eto kimeni, Makinu meto makitukidi Ma mfuilu.

¹⁶ Kiadi beto bututieki Yave. Luma lueto lumeni!

¹⁷ Ti ntima eto wulembo yami, Ti meso meto mafukulu Mu matsuela,

¹⁸ Bila mongo wu Sioni Weka wuvombila, wuyikidi Fulu ki mimbaku.

¹⁹ Vayi ngeyo Yave, Wunyalanga thangu zizio.

²⁰ Bila mbi lenda Kutuzimbakana thangu Zizio, bila mbi lenda Kutuniafuna luzingu lulo?

²¹ Yave, wutuvutula Kudi ngeyo, Muingi kedika tuvutuka Kudi ngeyo, vutula luzingu Lueto lumona banga Mu tsi khulu.

²² Bue, wutuniafuni Kueto mvimba Mvimba nate mu tezo kiaki?