Nkunga mi Maniongo 4 - Bible en Kiyombe

Yelusalemi dibungulu

¹ Bue nolo yinlezimanga, Ditadi diodio dithalu Dizimbisidi thoko andi Dikadi buelezama? Bue Matadi Mabieko mamuangusulu Mu bifuma bibio bi nzila?

² Bue bana ba Sioni, baluzitu Banga nolo yivedila, beka Banzulu banga mimvungu Mi ntoto mivengo kudi mbumbi?

³ Mbua zi nsitu nkutu Bamvananga dibeni kudi Bana bawu ayi Bakubayemikanga. Vayi batu bami, bawedi Kikhesi banga nuni Yindiatanga nsualu mu tseke.

⁴ Mu diambu di phuila Nlangu, ludimi lu muana Wunyema lunemi mu nua andi, Bana bantuenia balembo lombi Mapha, vayi kadi mutu Wukubavana mo.

⁵ Batu babedi dianga bidia Bimbote, balembo bue ayi Fua mu zinzila, batu babedi Vuatanga minlele mithalu Balembo toti bima mu madiala.

⁶ Mambi ma batu bami Maviokidi masumu ma Sodoma, Mbanza yoyo yibungu mu Kinzimbukila ayi kuisi ba ko Mutu wubaka thangu mu Nonuna moko mu vukisa yo.

⁷ Bana ba mintinu bandi Balezama vioka mvula ziphembi, Nkanda nitu awu wuba wuphembi Beni viokila miliki. Nitu zawu ziba Zimbuaki viokila mbuaki yingolo. Mianzi mi nitu awu kitoko Banga tadi di safili.

⁸ Buabu zizi biawu bieka ndombe Banga makala, bakadi bue Zabakana mu zinzila, nkanda Nitu awu wunemi mu bivisi Biawu, wuyumini banga nti.

⁹ Bulutidi mbote nkutu batu Bafuila mu mvita, vayi bika Bafuila mu nzala, bila baba Bantandanga ayi bamfuanga Mu kambu bidia.

¹⁰ Bangudi, banzolanga beni Bana bawu balembi bana Bawu muingi ba badia mu Thangu malema Mabuididi batu bami.

¹¹ Yave wunungisini tsita andi, Wudukudi nganzi zandi zingolo. Mu Sioni wulemisini mbazu Yivikidi lufulu lu mbanza.

¹² Kadi mintinu mi ntoto kadi Mutu wuleka leka minu Ti minthatu ayi zimbeni balenda Kotila mu mielo mi Yelusalemi.

¹³ Mu diambu di masumu Ma mimbikudi miandi ayi mambi Ma banganga zi Nzambi ziandi Batengudi menga ma batu ba lunungu.

¹⁴ Balembo zungani banga Ziphovo mu zinzila, bakisumuni Mu menga nate mutu kalendi Simba minlele miawu ko.

¹⁵ «Yendeno, batu basumuka, Bobo balembo kubayamikina. Katekeno, katukeno ayi kadi Kutusimba!» Ayi bubalembo Zungani mumo, batu ba zitsi Zinkaka balembo kambi: «Babika kala va fulu kiaki!»

¹⁶ Yave wubamuangisini. Niandi veka wubakukidi. Kalendi bue kubatala ko. Buna kuisi ko mutu wubuela Vumina zinganga zi Nzambi, Voti zitisa binunu.

¹⁷ Meso meto mavongidi Mu vingila lusadusu, vayi Muphamba: Mu fulu bisungila, Tuavingidi tsi yilenda kutu sadisa.

¹⁸ Minthatu mieto milembo Langididi zithambi zieto, tulendi Buezieta mu zinzila zi mbanza Eto ko, tsukulu eto yeka lukufi, Lumbu bieto bieka ku tsukulu, Ninga tsukulu eto yizidi.

¹⁹ Minzomi mieto balutidi ngo Zizulu mu nsualu, balembo kutukuki Mu miongo mu khesi, balembo Kutukengididi mu tseke.

²⁰ Ntinu nio wudukudulu Mafuta kudi Nzambi, ayi niandi Tubedi silanga vuvu, bambuididi Mu mintambu miawu pheleko Tubedi tubanga: «Matuzinga Ku tsi lutanunu luandi Va khati makanda.»

²¹ Yangalala ayi mona khini, Muana wu nketo wu Edomi, Wunkalanga mu tsi yi Usi! Vayi mbungu yi khongodolo Yilembo yizi phe kudi ngeyo. Mawukolo ayi mawu Ba pheni nkua.

²² Mbanza Sioni, Mesembolo ngolo. Balendi kunata diaka Mu kikhole ko. Vayi ngeyo, Edomi, Yave Makasemba mbimbi aku. Ayi makatumbudila Mambi maku.