1 Mose 49 - Bible en Kiyombe

Yakobi sakumuni kumi bana bandi bole

¹ Yakobi wutumisa bana bandi ayi wukamba: «Kutakaneno muingi Ndilukamba malembo yizi mu Lumbu bidi kuntuala.

² Kutakaneno ayi weno, Bana ba Yakobi, Weno Isaeli, se dieno.

³ Lubeni, widi muana ami Wubakala wuthete mu Butuka, ngolo ziami ayi Thonono ngolo ziami zi buta, Wuzangama mu minsua Ayi wuzangama mu ngolo.

⁴ Wusapukidi banga Nguma minlangu, Kadi bue Kuenda kuntuala, bila Wukumini va mbuka Se diaku. Mu thangu beni Wusumuni mbuka ami! Wukumini vana.»

⁵ «Simeoni ayi Levi badi Zikhomba zi babakala: Binduanina biawu bi mvita Bidi bisadulu bi kikhesi,

⁶ Kadi kota mu dikabu di Bakiazolua bawu, o muela Ami! Kadi bundana mu Lukutukunu luawu, o dibanza Diami, bila, mu nganzi ziawu, Bavondidi babakala ayi mu Bukhita buawu, Bazenga mianzi mi malu mi Zingombe zimbakala.

⁷ Bika nganzi awu yisingu, Bila, yidi yi ngolo, ayi khesi Awu, bila yimonikanga nsualu. Mandibavasa mu yakobi ayi Mandi bamuangisa mu Isaeli.»

⁸ «Mu diambu di ngeyo Yuda, Khomba ziaku zi babakala Bala yimbila nkunga mi Nzituzu mu diambu diaku. Koko kuaku makuba va tsingu Mintatu miaku. Bana ba Babakala ba se diaku bela Fukama va ntuala aku.

⁹ Muana khosi kadi, Yuda! Ninga, mawuvutuka Kaka buvondidi bulu. Komvimini, tukukini banga Khosi ayi, banga khosi, Nani lenda kuntedimisa?

¹⁰ Nkawa kimfumu Wulendi tatukila Yuda ko, nti Wu tumina va khati malu mandi Nate Silo kankuiza ayi Kudi yandi kunavuiwulu Thumumunu yi makanda.

¹¹ Kengi phunda andi yi Mbakala mu nti vinu, ayi mu Ditavi di tsodolo kakengi Muana andi phunda, Ninga, makasukula minlele Miandi mu vinu, ayi mu menga Ma makundi ma vinu Mvuatu andi.

¹² Meso mandi madi Mambuaki yi ngolo yi vinu ayi Meno mandi maphembe Banga miliki.»

¹³ «Zabuloni, wela kala va Ndambu simu di mbu, Welaba va ndambu simu va Ntediminanga masuwa, Ndambu andi yilutidi Thama yela ba ku Muenda Sidoni.»

¹⁴ Isakali widi phunda Yi Mimvesi mingolo, Lekidi va Khati ziphangu zole.

¹⁵ Wela mona ti fulu ki Vundulu kidi kimbote Ayi tsi yidi kitoko, wela Tengika vembo diandi mu Nata mimfuna ayi Wela yekolo mu salu Kingolo ki mvika.

¹⁶ Dani, wela yala, Banga Wumosi mu Makanda Ma Isaeli.

¹⁷ Bika Dani kaba Nioka va Ndambu nzila, phidi yidi Ziphoka va ndambu nzila, Wuntatikanga bikhesi Bi kavalu, Nate nkumi kavalu andi Buidi matsenguka.

¹⁸ Ninga, mandivingila Phulusu aku, o Yave!

¹⁹ Mu diambu di Ngadi, kabu Di mivi diela Kumbuila, vayi Yandi wela buila nkila Wu badi ku mbusa.

²⁰ Kudi Aseli kuela ba bidia Bilueki ayi wela vana bidia Bimbote bi mintinu.

²¹ Nefatali widi khombo Yi nsitu yizangama. Wumvananga phova zi kitoko.

²² Yosefi widi nsasila wu nti Wumbutanga mbutu, nsasila wu Nti wumbutanga va ndambu Nlangu, wumviokisanga Matavi mandi va yilu baka.

²³ Bannatanga Mabuta bansoka, Banlozila madionga, Bamfietikisa.

²⁴ Vayi mbasa andi widi va Fulu kisiama, ayi ngolo yi mioko Miandi yiba na lengi lengi. Mu moko ma Nkua lulendo wu Yakobi, mu totukidi Mvungi, Tadi di Isaeli.

²⁵ Bedi kudi Nzambi se diaku Ayi makakusadisa, widi ayi Phungu-Tulendo ayi Makakusakumuna tsakumunu zi Mazulu, tsakumunu zi yenga di Nlangu weti kumba ku tsi, Zitsakumunu zi phinda zi ntoto.

²⁶ Zi tsakumunu zi se diaku Mazinunga mu kedi zi Tsakumunu zi miongo mi mvu Ya mvu, va yilu miongo mi Thangu zazo. Mu kitoko ki Mindimba mu thangu yika Yilendi tezo ko. Mayisiala va Ntu Yosefi, inga va mbata ntu Wu nionio wuvambana Ayi zikhomba ziandi Zibabakala.

²⁷ «Benyamini widi mbua yi Nsitu yinkhakunanga. Mu nsuka Didi bulu kikavondidi ayi mu Khokila kebi bikateni.»

²⁸ Babo babana bawu badi kumi makanda mole ma Isaeli, ayi mawu mana makamba se diawu bu kabasakumuna. Wubusakumuna mutu mutu boso bubela lusakumunu luandi.

Mfuilu wu Yakobi

²⁹ Diaka, wubavana thumunu ayi wutuba: «Mbundani ayi batu bami. Lunzika ayi mase mami, mu phaka matadi yidi mu tsola Efeloni muisi Heti,

³⁰ mu phaka matadi yidi mu tsola Makapela, yitalani ayi Mamele, mu tsi Kanana, tsola yisumba Abalahami kudi Efeloni muisi Heti boso biziami.

³¹ Buna kuna bazikila Abalahami ayi Sala, nkazi andi. Kuna phe bazikila Isaki ayi Lebeka nkazi andi, ayi kuna ndizikila Leya.

³² Tsola yisumbu ayi phaka matadi yidi vana biba kudi bana ba Heti.»

³³ Bobo Yakobi kamana vanina zithumunu kudi bana bandi. Buna wutula malu mandi va mbuka, wutabuka vumunu ayi wubundana ayi batu bandi.