1 Mose 10 - Bible en Kiyombe

Kikhulu ki bana ba Nowa

¹ Tala kikhulu ki nsamu wu bana ba Nowa, Semi, Hami ayi Yafeti. Landila khuka nlangu, bawu babuta bana ba babakala .

² Bana bababakala ba Yafeti: Ngomeli, Mangongi, Madayi, Yavani, Tubali, Meseki ayi Tilasi.

³ Bana ba Ngomeli baba: Askenasi, Lifati ayi Tongalama.

⁴ Bana ba Yavani baba: Elisa, Talasi, Kitimi ayi Dodanimi.

⁵ Mu bawu muba batu bamuangana mu zitsi zizio zidi mu bisanga bi mbu. Bavasana mu zi tsi banga bubela ndinga ziawu, ayi phe bavasana makanda makanda banga bubela zi mvila ziawu.

⁶ Bana ba Hami: Kusi, Misilayimi, Puti ayi Kanani.

⁷ Bana ba Kusi: Seba, Havila, Sabata, Lama ayi Sabateka. Bana ba Lama: Seba ayi Dedani.

⁸ Kusi wubuta Nimilodi. Yandi mutu wuthete wutona yadila batu bankaka va ntoto.

⁹ Yandi wuba mveti wu makumbu va meso ma Yave, diawu batu bantubilanga: «Widi mveti wu makumbu banga Nimilodi va meso ma Yave.»

¹⁰ Wuyala thete mu Babeli, Eleki, Akadi ayi Kalane mu tsi yi Sineyali.

¹¹ Nimilodi wutotuka mu tsi yoyo, wuyenda ku Asilia. Wutunga Ninive, mbanza Lehobotili ayi Kala,

¹² ayi Leseni, va khati Ninive ayi Kala, mbanza yinene.

¹³ Misilayimi wuba nkulu wu ba Ludi, ba Anamimi, ba Lehabimi, ba Nafatuhimi,

¹⁴ ba Patalusimi, ba Kasaluhimi, mu bawu mutotukila ba Filisiteya ayi ba Kafatolimi.

¹⁵ Kanani wubuta Sidoni, muana andi wuthete, ayi Heti phe,

¹⁶ nkulu wu ba Yebusi, ba Amoli, ba Ngilingasi,

¹⁷ ba Hivi, ba Alakite, ba Sini,

¹⁸ ba Alavadi, ba Semali, ayi ba Hamati. Landila dio, makanda ma ba Kanani mamuangana.

¹⁹ Ndilu yi ba Kanani yiyenda tona ku Sidoni, vioka Ngelali ti ku Ngasa bosi vioka Sodoma, Ngomola, Adima, ayi Seboyimi ti ku Lasa.

²⁰ Bawu baba bana ba Hami, banga bubela makanda mawu ayi ndinga ziawu, mu tsi ziawu ayi mu mvila ziawu.

²¹ Semi, khomba yi nkulutu wu Yafeti, wubuta phe bana ba babakala. Yandi nkulu wu Ebeli ayi babo babutuka mu yandi.

²² Bana ba Semi: Elami, Asuli, Alapakasadi, Ludi ayi Alami.

²³ Bana ba babakala ba Alami: Usi, Huli, Ngeteli ayi Masi.

²⁴ Alapakasadi wubuta Sela ayi Sela wubuta Ebeli.

²⁵ Bana bole ba babakala babutu kudi Ebeli. Wuthete, zina diandi Pelengi, diambudi mu thangu andi batu ba ntoto bakabuka ayi zina di khomba andi diba Yokotani.

²⁶ Yokotani wubuta Alamodadi, Selefi, Hasalamaveti, Yala,

²⁷ Hadolami, Usala, Dikila,

²⁸ Obali, Abimaeli, Seba,

²⁹ Ofili, Havila ayi Yobabi. Bawu babo bana ba Yokotani.

³⁰ Tsi awu yiba tona ku Mesa nate ku tini ki tsi ki mongo wu Sefali ku ntotukilanga thangu.

³¹ Bobo bana ba Semi banga bubela makanda mawu, ndinga ziawu, mu tsi ziawu banga buididi zimvila ziawu.

³² Momo makanda ma bana ba babakala ba Nowa, banga buididi thonono awu ayi banga bubela zi mvila zi makanda mawu. Tona mu bawu makanda mamuangana va ntoto landila khuka nlangu.