Camba 5 - Yegɗohiŋ Muci

Findi gomal ci taambtiɗoh ŋ Aadama po ŋ Noohin

¹ Inii weɗ naandsuku ŋ Aadama na ɓi rimkoh nga ɗe. Wa Kooh na fere ɓo', a fer ɓa ŋ mandohaaɗiŋ ɗe haf ce.

² A yi Kooh a ferra ɓa ƴaar na ɓitiɓ a barke'iɗta ɓa, a teekka ɓa ɓo' ŋ noha mbaɗi.

³ Wa Aadama pes kiis teemet na kiis ndaŋkiyaah-kaahay (130), a raakka kuɓu ƴaar ya ɓay mandohaaɗaŋ ɗe na ñaamaaraŋ ɗe, a teekka ɗe Set.

⁴ Ŋ finho raakuukaŋ Set, Aadama pesiɗ kiis teemet-yasna-kaahay (800) te a raakisseen ɓi kuɓu ƴaar na ɓitiɓ.

⁵ A kaan wa a raak kiis teemet-yasna-nikiis na kiis ndaŋkiyaah-kaahay (930).

⁶ Wa Set pes kiis teemet na kiis yatuus (105), a raakka kuɓu ƴaar, a teekka ɗe Enos.

⁷ Ŋ finho raakuukaŋ Enos, Set pesiɗ kiis teemet-yasna-kaahay na kiis yasna-kanak (807). A raakisseen ɓi kuɓu ƴaar na ɓitiɓ.

⁸ A kaan wa a raak kiis teemet-yasna-nikiis na kiis ndaŋkiyaah na kiis kanak (912).

⁹ Wa Enos pes kiis ndaŋkiyaah-yasna-nikiis (90), a raakka kuɓu ƴaar, a teekka ɗe Kenan.

¹⁰ Ŋ finho raakuukaŋ Kenan, Enos pesiɗ kiis teemet-yasna-kaahay na kiis ndaŋkiyaah na kiis yatuus (815). A raakisseen ɓi kuɓu ƴaar na ɓitiɓ.

¹¹ A kaan wa a raak kiis teemet-yasna-nikiis na kiis yatuus (905).

¹² Wa Kenan pes kiis ndaŋkiyaah-yasna-kanak (70), a raakka kuɓu ƴaar, a teekka ɗe Mahalal'el.

¹³ Ŋ finho raakuukaŋ Mahalal'el, Kenan pesiɗ kiis teemet-yasna-kaahay na kiis ndaŋkiyaah-nikiis (840). A raakisseen ɓi kuɓu ƴaar na ɓitiɓ.

¹⁴ A kaan wa a raak kiis teemet-yasna-nikiis na kiis ndaŋkiyaah (910).

¹⁵ Wa Mahalal'el pes kiis ndaŋkiyaah-yasna-yino na kiis yatuus (65), a raakka kuɓu ƴaar, a teekka ɗe Yered.

¹⁶ Ŋ finho raakuukaŋ Yered, Mahalal'el pesiɗ kiis teemet-yasna-kaahay na kiis ndaŋkiyaah-kaahay (830). A raakisseen ɓi kuɓu ƴaar na ɓitiɓ.

¹⁷ A kaan wa a raak kiis teemet-yasna-kaahay na kiis ndaŋkiyaah-yasna-nikiis na kiis yatuus (895).

¹⁸ Wa Yered pes kiis teemet na kiis ndaŋkiyaah-yasna-yino na kiis kanak (162), a raakka kuɓu ƴaar, a teekka ɗe Henok.

¹⁹ Ŋ finho raakuukaŋ Henok, Yered pesiɗ kiis teemet-yasna-kaahay (800). A raakisseen ɓi kuɓu ƴaar na ɓitiɓ.

²⁰ A kaan wa a raak kiis teemet-yasna-nikiis na kiis ndaŋkiyaah-yasna-yino na kiis kanak (962).

²¹ Wa Henok pes kiis ndaŋkiyaah-yasna-yino na kiis yatuus (65), a raakka kuɓu ƴaar, a teekka ɗe Matusalem.

²² Henok hunee na Kooh. Ŋ finho raakuukaŋ Matusalem, a pessa ŋ ineem kiis teemet-kaahay (300). A raakisseen ɓi kuɓu ƴaar na ɓitiɓ.

²³ Ina a pes jen wa kiis teemet-kaahay na kiis ndaŋkiyaah-yasna-yino na kiis yatuus (365).

²⁴ Henok hunee na Kooh po a hotissuuɗi laam Kooh rapiɗ ɗe rapiɗ ŋ serooce.

²⁵ Wa Matusalem pes kiis teemet na kiis ndaŋkiyaah-yasna-kaahay na kiis yasna-kanak (187), a raakka kuɓu ƴaar, a teekka ɗe Lemek.

²⁶ Ŋ finho raakuukaŋ Lemek, Matusalem pesiɗ kiis teemet-yasna-kanak na kiis ndaŋkiyaah-yasna-kaahay na kiis kanak (782). A raakisseen ɓi kuɓu ƴaar na ɓitiɓ.

²⁷ A kaan wa a raak kiis teemet-yasna-nikiis na kiis ndaŋkiyaah-yasna-yino na kiis yasna-nikiis (969).

²⁸ Wa Lemek pes kiis teemet na kiis ndaŋkiyaah-yasna-kaahay na kiis kanak (182), a raakka kuɓu ƴaar.

²⁹ A teekka ɗe Noohin te a woosa ne : « Ŋ alki Nikiɗi aluk kehƴi wii, yii a yi na hee eɗfiɗe coonaaniŋ ɓoo ŋ pangki. »

³⁰ Ŋ finho raakuukaŋ Noohin, Lemek pesiɗ kiis teemet-yatuus na kiis ndaŋkiyaah-yasna-nikiis na kiis yatuus (595). A nameen raak ɓi kuɓu ƴaar na ɓitiɓ.

³¹ A kaan wa a raak kiis teemet-yasna-kanak na kiis ndaŋkiyaah-yasna-kanak na kiis yasna-kanak (777).

³² Wa Noohin pes kiis teemet-yatuus (500), a raakeen kuɓu kaahay, Sem na Haam na Yaafet.