Camba 10 - Yegɗohiŋ Muci

Cuuɓ ci puloh ŋ kuɓuuciŋ Noohin

¹ Inii weɗ naandsuku ŋ kuɓuuciŋ Noohin : Sem, Haam na Yaafet na ɓi rimkoh nga ɓa. Ŋ finho masma ɗumbee kehƴi, ɓa raakeen ɓi kuɓu ƴaar.

² Ɓi rimkoh ŋ Yaafet nikee : Goomeer, Maagoog, Maaday, Yaawaan, Tubaal, Mesek na Tiiraas.

³ Askenas na Riifat na Toogarma, ɓa puloh ŋ Goomeer.

⁴ Eliisa, Tarsis, Kitiim na Doodaanim pulohha ŋ Yaawaan.

⁵ Ɓi puloh nga ɓa, ɓeɗ genee huntiɗkohiɗ na cookmi, ɓa ɓaatkeeɗa. Ɓaa nu ɓaaheen peɗeem ɗah, ɓaahha kur ; ɓa gennda cuuɓ cuuɓ.

⁶ Ɓi rimkoh ŋ Haam nikee : Kuus, Misrayim, Puut na Kanaan.

⁷ Sebaa, Hawiilaa, Sabtaah, Ra'amaa na Sabtekaa puloh ŋ Kuus. Sabaa na Deedaan nammba puloh ŋ Ra'amaa.

⁸ Kuus a yi nam rim Nimrood, ƴaara koc nik jalmba kerhuuɗ ŋ kehƴi.

⁹ A nikee kaalsukoh yakak ŋ fiki Nikiɗi, po ɓa meeɗ woo ne : « Kaalsukoh yakak ŋ fiki Nikiɗi findi Nimrood. »

¹⁰ Kur-taah ca koc ŋ nguuraŋ ɗe ceɗ Baabel, Erek, Akkad na Kalne ngaŋ Sinyaar.

¹¹ Nimrood puloh kur keem, a kaɗta Assuur a yippa kur-taah cii : Niniw, Rehobotiir, Kaalah

¹² na Resen, kur-taaha yakka ŋ harmban Niniw na Kaalah.

^13-14 Luud, Anaam, Lehaab, Naftuh, Patarus, Kasluh na Kaftoor puloh ŋ Misrayim. Ɓi puloh ŋ Kasluh, ɓeɗ rim Filistiici.

¹⁵ Kanaan saawkoh Sidoon, a degga Het nga.

¹⁶ Het a yi caaciŋ Yebuus ci, Amoor ci, Girgaas ci,

¹⁷ Hiw ci, Arkaaci, Sin ci,

¹⁸ Arwaad ci, Semaar ci na Hamaat ci. Ŋ mirndaani ɓi puloh ŋ Kanaan pasarkohha cuuɓ-cuuɓ.

¹⁹ Ɓeɗ genee ini amboh Sidoon na ɓak Gerar po ŋ Gasaa ; na Sodom, Gomor, Atma na Seboyim, kaɗeeɗa po Leesa.

²⁰ Ɓeem ɓeɗ ɓi puloh ŋ Haam. Ɓaa nu ɓaaheen peɗeem ɗah, ɓaahha kur ; ɓa gennda cuuɓ-cuuɓ.

²¹ Sem yi yakak Yaafet nameen raak ɓi kuɓu ƴaar, a yi caaciŋ Eber na ɓi puloh nga ɗe jen.

²² Ɓi rimkoh ŋ Sem nikee : Elaam, Assuur, Arpaksad, Luud na Aram.

²³ Uus, Huul, Geter na Maas pulohha ŋ Aram.

²⁴ Arpaksad nikka baabiŋ Selah, Selah nikka baabiŋ Eber.

²⁵ Eber raakka kuɓu ƴaar kanak, yinoora teeksee Peleg laam a raaku ŋ jamanoona kehƴi paysohu. Taambɗoh ce teeksee Yaktaan.

²⁶ Ɓii ɓeɗ puloh ŋ Yaktaan : Almodaad, Seelef, Hasarmaawet, Yeera,

²⁷ Hadoraam, Usaal, Diklah,

²⁸ Obaal, Abima'eel, Sabaa,

²⁹ Ofir, Hawiilaa na Yoobaab ; ɓii jen ɓa puloh ŋ Yaktaan.

³⁰ Ɓa genee ŋ harmban Messa na tangoocaŋ Sefaar, ŋ pulohaaɗ-noh.

³¹ Ɓeem ɓeɗ ɓi puloh ŋ Sem. Ɓaa nu ɓaaheen peɗeem ɗah, ɓaahha kur ; ɓa gennda cuuɓ-cuuɓ.

³² Cuuɓ ceem ceɗ puloh ŋ kuɓuuciŋ Noohin, findi ɓa ɓaahoh na findi ɓa genoh. Ɓi kur ci pasarkoh ŋ Adina jen puloh nga ɓa, ŋ finho ɗumbuukaŋ kehƴi na masuɓ.