Zabur 1 - Yiqsum

Q'öble yəq

¹ Pisınbışde mı'sləhətıka yəq idyaak'anna, bınahnanbışika gyu'ur oza qidexhena, matsxar haa'anbışika gidiy'arna insan nimeecar baxtivariy!

² Mang'uname şadvalla saccu Rəbbine Q'aanunee vobna. Xəmbına-yiğbına mang'vee mana qəbəqqə, mançina haa'a.

³ Mana xhyanbışde mıglek oozuna, şagav çine gahıl helena, çin t'eled hı'ç'diyğənna yiv xhinnee ixhes. Mang'vee ha'ane gırgıne karee barakat vuxhes.

⁴ Pisın insanarmee məxbınbı deş vob, manbı mıtsın alixa'an balybiy xhinnee vooxhe.

⁵ Mançil-allab pisınbışisse məhkamee, bınahnanbışisseb qopkuyn insanarnane maclisee ulyoozaras vəəxəs deş.

⁶ Nya'a, Rəbbee qopkuynbışda yəq dişde havaace?! Pisınbışde yəqqı'nıb manbı gyapt'as hoot'al.