Raq'ambı 21 - Yiqsum

Yezake hav'una xoçe

⁴ Millet Or eyhene suvaysse giç'uyng'a, Edomne cigabışeeqa ikkideepç'esva manbı Ç'ərane deryahne suralqa avayk'an. Yəqqı'l milletın sabır g'aat'an.

⁵ Manbı giviyğalanbı Allahılenayiy Mısaylena haa'a. Manbışe eyhe ıxha: – Şu nişisne şi Misirğançe qığav'u? Sahree hapt'ecenvane? İnyaa, gıneyid, xhyanıd nencad deşin! İne otxhuniyked şas halı'iy qöö!

⁶ Mane gahıl Rəbbee manbışilqa zəhərıkan xoçebı salat'a'a. İzrailybışike geeb insanar xoçeyn üvxü hapt'ı.

⁷ Millet Mısaysqa adı eyhen: – Şi valena, Rəbbilena hav'u bınah opxhun. Düə hee'e Rəbbee şake xoçebı əq'əna qee'ecen. Mıseeyib Rəbbis düə haa'ana.

⁸ Rəbbee Mısayk'le eyhen: – Xoçe hav'u t'at'alqa qüvxhe. Xoçeyn ı'xı'na mançiqa ilyakkımee, üç'ürra axvas.

⁹ Mısee yezake xoçe hav'u t'at'alqa gyuvaaxan. Xoçeyn ı'xı'na insan mane yezake hav'uyne xoçeyqa ilyakkımee, üç'ürra axva ıxha.