WÜHKHE 2 - AMÜSÜH HÜM CL Bible (BSI)

Binkheampung ching Trükbo Akhinashu Thsükhi

¹ Tüsho Atungpuhnü Mosa le Aron ki tha:

² Israelrünü ashorupung khimyam mühide anükhüh akahbahle arü tsükhinü nihbuh riphin bukkhüp binkheampung thsübah.

³ Aniakhiuklim peang binpü ju Judarü arü bonungrü ayannü nihbuh tsükhinü thsübah abinbah; tüsho Amminadab tsührü Nashon ju Judarü limberü thsübah.

⁴ Tüsho api bonungrü alalanü 74,600.

⁵ Ju khinpü Issakar trük binbah, tüsho Zuar tsührü Nethanel ju Issakarrü limberü thsübah.

⁶ Tüsho api bonungrü alalanü 54,400.

⁷ Jushu Zebulun trük arübah, tüsho Helon tsührü Eliab ju Zebulunrü limberü thsübah.

⁸ Tüsho api bonungrü alalanü 57,400.

⁹ Judarü binkheampung ki mukhungkhi bonungrü alalanü 186,400. Judarü bonungrübonü akhuhbah atsahmusubah.

¹⁰ Düjinglim peang Reubenrü bonungrü ayannü arü tsükhinü abinbah tüsho Reubenrü limberü ju Shedeur tsührü Elizur labah.

¹¹ Tüsho api bonungrü alalanü 46,500.

¹² Ju khinpü ju Simeon trük, tüsho Simeonrü limberü ju Zurishaddai tsührü Shelumiel.

¹³ Tüsho api bonungrü alalanü 59,300.

¹⁴ Jushu Gad trük arübah, tüsho Gadrü limbebuh ju Deuel tsührü Eliasaph.

¹⁵ Tüsho api bonungrü alalanü 45,650.

¹⁶ Reubenrü binkheampung ki mukhungkhi bonungrü alalanü 151,450. Reuben bonungrünü mahnepü thsüde atsahmusubah.

¹⁷ Tüsho ashorupung khimyam ju Levirü binpung lungnü binkheampung aphulung ching luka hanbah ayübah; arübo binpung yüchoki buh zhippungpung ching nihbe tsükhinü ayübah.

¹⁸ Aniyüzahlim peang Ephraimrü arü bonungrü ayannü arü tsükhi ching binbah, tüsho Ephraimrü limbebuh ju Ammihud tsührü Elishama.

¹⁹ Tüsho api bonungrü alalanü 40,500.

²⁰ Api khinpü Manase trük tüsho Manaserü limbebuh ju Pedazur tsührü Gamaliel.

²¹ Tüsho api bonungrü alalanü 32,200.

²² Jushu Benjamin trük arübah, tüsho Benjamin limbebuh ju Gideoni tsührü Abidan.

²³ Tüsho api bonungrü alalanü 35,400.

²⁴ Ephraimrü binkheampung ki mukhungrü bonungrü alalanü 108,100. Ephraim bonungrünü asampü thsüde atsahmusubah.

²⁵ Dukulim peang Danrünü arü tsükhi bonungrü ayannü abinbah, tüsho Danrü limbebuh ju Ammishaddai tsührü Ahiezer.

²⁶ Tüsho api bonungrü alalanü 62,700.

²⁷ Api khin binrü ju Asher trük, tüsho Asherrü limbebuh ju Okran tsührü Pagiel.

²⁸ Tüsho api bonungrü alalanü 41,500.

²⁹ Jushu Naphtali trük arübah, tüsho Naphtalirü limbebuh ju Enan tsührü Ahira.

³⁰ Tüsho api bonungrü alalanü 53,400.

³¹ Danrü binkheampung ki mukhungrü bonungrü alalanü 157,600. Dan bonungrünü akheam thsüde atsahmusubah.

³² Harübo ha Israelrü tsührübo buhtsüh yande akhekhibo ah. Arü bonungrü ayannü akhekhi alalanü 603,550.

³³ Tüsho Atungpuhnü Mosa ki thiyukhüm jihkhi yande Levirü a Israelrü tsührü bolung mükheyuk.

³⁴ Hanangde Israelrü tsührübonü Atungpuhnü Mosa ki thiyukhüm jihkhi nangde alala rhimo; junangde arünü arü tsükhinü binkheam tüsho nihbuh guk ayannü tsahakhin.