THRÜNTAN 36 - AMÜSÜH HÜM CL Bible (BSI)

Esau Tsühsoniusobo

¹ Ha Esau lünkhe (ju Edom).

² Esaunü Kanan liberübo yihlu: Hitrü Elon tsührübe Ada; Hivrü Zibeon tsührübe, Ana tsührübe Oholibama;

³ tüsho Ishmael tsührübe tüsho Nebaioth niurü Basemath.

⁴ Kheakü Adanü Eliphaz, tüsho Basemathnü Reuel, Esau kilim zübejih.

⁵ Tüsho Oholibamanü Jeush, Jaalam, tüsho Kora zübe. Harü ha Kanan lomi ching zübekhi Esau tsührübo lakheah.

⁶ Judüki Esaunü aniube, atsührübo le tsührübebo, tüsho api yamkhün mihtsürübo alala, akamshiwühbo alala tüsho Kanan lomi ching alü thsükhi kukruk alala lubah aniurü Jakob kheaknü lomi püpü lim yü.

⁷ Tümüde arü rukhüh lapü thsüde arü lakhit tode alakheah, tüsho arü hanrü thsüde alakhi lonü arü shiwüh thsungkheak musuhdahde alakheah.

⁸ Jumonü Esaunü (ju Edom) Seir awung lomi ching la.

⁹ Tüsho ha Seir wung ching lakhi Edomrü abuh Esau lünkhe ah.

¹⁰ Esau tsührübo mung harü ah: Esau niube Ada tsührü Eliphaz, tüsho Esau niube Basemath tsührü Reuel.

¹¹ Tüsho Eliphaz tsührübo Teman, Omar, Zepho, Gatam, tüsho Kenaz.

¹² Esau tsührü Eliphaz hanniube Timnanü api kilim Amalek zübejih. Harübo Esau niube Ada tsührübo.

¹³ Reuel tsührübo harü ah: Nahath, Zera, Shamma, tüsho Mizza. Harübo Esau niube Basemath tsührübo ah.

¹⁴ Harü Zibeon tsührübe, Ana tsührübe Esau niube Oholibamanü api kilim zübejihkhi tsührübo ah.

¹⁵ Harü Esau tsührübo akubeatorübo ah. Esau tsührü adüjibuh Eliphaz tsührübo: Teman, Omar, Zepho, Kenaz,

¹⁶ Kora, Gatam, tüsho Amalek; harübo Edom lomi ching Eliphaz yo akubeatorübo; arübo Ada tsührübo ah.

¹⁷ Harü Esau tsührü Reuel tsührübo: Nahath, Zera, Shamma, tüsho Mizza; harübo Edom lomi ching Reuel yo akubeatorübo; arübo Esau niube Basemath tsührübo ah.

¹⁸ Harü Esau niube Oholibama tsührübo: Jeush, Jalam, tüsho Kora; harü Esau niube, Ana tsührü Oholibamanü azübekhi akubeatorübo ah.

¹⁹ Harü Esau (ju Edom) tsührübo, tüsho arü akubeatorübo.

Seir Tsühsoniusobo

²⁰ Harü ha lomi ching larü Horrü Seir tsührübo ah: Lotan, Shobal, Zibeon, Ana,

²¹ Dishon, Ezer, tüsho Dishan; harübo Edom lomi ching Horrü Seir tsührübo akubeatorübo.

²² Lotan tsührübo Hori tüsho Heman; tüsho Lotan niurü aliberü Timna lakheah.

²³ Harü Shobal tsührübo: Alvan, Manahath, Ebal, Shepho, tüsho Onam.

²⁴ Harü Zibeon tsührübo: Aia tüsho Ana; habuh Ana hanü sunglo ching abuh Zibeon yo donkibo kümde alachoki kenü atak ngükheah.

²⁵ Harü Ana tsührübo: Dishon tüsho tsührübe Oholibama.

²⁶ Harü Dishon tsührübo: Hemdan, Eshban, Ithran, tüsho Keran.

²⁷ Harü Ezer tsührübo: Bilhan, Zaavan tüsho Akan.

²⁸ Harü Dishan tsührübo: Uz tüsho Aran.

²⁹ Harü Horrü akubeatorübo: Lotan, Shobal, Zibeon, Ana,

³⁰ Dishon, Ezer, tüsho Dishan; harü ha Seir lomi ching arü gukbo ayannü Horrü akubeatorübo ah.

Edom Kiulongthsürübo

³¹ Harü ha Israelrü kurungkheak kiulongthsürü shenü kiulong müthsüchoki, Edom lomi ching kiulongthsürübo ah.

³² Beor tsührü Bela Edom kiulongthsüpuh kam. Api kiuto mung Dinhaba lakheah.

³³ Bela sheabah, tüsho Bozra chingnü Zera tsührü Jobabnü api müthri kiulongthsü.

³⁴ Jobab sheabah, tüsho Temanrü lomi chingnü Hushamnü api müthri kiulongthsü.

³⁵ Husham sheabah, tüsho Moab lomi chingnü Midiarü kukbuh Beda tsührü Hadadnü api müthri kiulongthsü. Api kiuto mung Avith lakheah.

³⁶ Hadad sheabah, tüsho Masreka chingnü Samlanü api müthri kiulongthsü.

³⁷ Samla sheabah, tüsho Euphra ayung kheak lakhi Rehoboth chingnü Shaulnü api müthri kiulongthsü.

³⁸ Shaul sheabah, tüsho Akbor tsührü Baal-hanannü api müthri kiulongthsü.

³⁹ Akbor tsührü Baalhanan sheabah, tüsho Hadarnü api müthri kiulongthsü. Api kiuto mung Pau tüsho aniube mung Me-zahab tsührübe, Matred tsührübe Mehetabel lakheah.

⁴⁰ Harü ha arü gukbo tüsho lapungbo ayannü Esau yo akubeatorü mungbo: Timna, Alva, Jetheth,

⁴¹ Oholibama, Ela, Pinon,

⁴² Kenaz, Teman, Mibzar,

⁴³ Magdiel tüsho Iram. Harü ha arünü müküh-a lukhi lomi ching lakhi ayannü Edom yo akubeatorübo.