Biblia Todo Logo
Bìoball air-loidhne

- Sanasan -

NEHEMIA 11 - AMÜSÜH HÜM CL Bible (BSI)


Jirusalem ching Larü Mihtsürübo

1 Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

2 Sherübo Jirusalem ching lapü mulongkhitkheanü mihtsürübonü müngühjih.

3 Harü ha Jirusalem ching lakhi lomi limberübo ah; tüshe alala Juda kiutobo ching nihbuh yamalo kheak arü kiutobo ching lakheah: Israelrü, amükeamrü, Levirü, arüngyam tankihrü tüsho Solomon yamlarü tsühsoniusobo.

4 Tüsho Jirusalem ching Judarü tüsho Benjaminrü tsührübo khürü lakheah. Judarübo: Zekaria tsührü Uzzia tsührü Athaia, api jipürü püpürü Amaria, Shephatia, tüsho Juda tsührü Perez kheaknü atrükkhitkhi, Mahalalel.

5 Kolhoze tsührü Baruk tsührü Maaseia, api jipürü püpürü Hazaia, Adaia, Joiarib, tüsho Juda tsührü Shela kheaknü atrükkhitkhi Zekaria.

6 Perez kheaknü atrükkhitkhi athrungrü mihtsürü 468 Jirusalem ching lakheah.

7 Benjaminrübo: Joed tsührü Meshullam tsührü Sallu, api jipürü püpürü Pedaia, Kolaia, Maaseia, Ithiel, tüsho Jeshaia,

8 Sallu buhtsührü Gabbai tüsho Sallai, Benjaminrü alalanü Jirusalem ching 928 lakheah.

9 Zikri tsührü Joel nü arü limberü thsü tüsho Hassenua tsührü Juda kiuto kurungkheak mahnepü azothsürü thsü.

10 Amükeamrü: Joiarib tsührü Jedaia, tüsho Jakin.

11 Meshullam tsührü Hilkia tsührü Seraia, api jipürü püpürü Zadok, Meraioth, tüsho Ahitub ju Thrünpuh yam ching yakzanshuhrü lakheah.

12 Alalanü 822 lakheah tüsho arü alalanü arüngyam ching tankih. Pelaia tsührü Jeroham tsührü Adaia, api jipürü Amzi, Zekaria, Pashhur, tüsho Malkhija.

13 Ha guk chingnü arü 242 ju buhtsüh ching azothsürübo ah. Ahzai tsührü Azarel tsührü Amashai, api jipürübo Meshillemoth tüsho Immer.

14 Ha guk chingnü 128 adungto bonungrü lakheah. Arü ju buhtsüh akuto chingnü, Haggedolim tsührü Zabdiel lakheah.

15 Levirü: Azrikam tsührü Hasshub tsührü Shemaia, api jipürü Hashabia tüsho Bunni.

16 Shabbethai le Jozabad ane Levirü lung adungto thsüde arüngyam aleanglim rhimorü thsü.

17 Asaph kheaknü atrükkhitkhi, Zabdi tsührü Mika tsührü Mattania. Apinü arüngyam khün thsürü boto makshe-tamkhüntamnü khün thsükhi ching be. Mattania rungbuh ju Bakbukia. Jeduthun kheaknü atrükkhitkhi Galal tsührü Shammua tsührü Abda.

18 Levirü alalanü 284 amüsüh Jirusalem kiuto ching la.

19 Arüngyam aheangrü: Akkub, Talmon, tüsho arü buhtsührü, alalanü 172.

20 Aningkhi Israelrü, amükeamrü tüsho Levirü Juda kiutobo ching nihbuh lopung ching la.

21 Tüshe arüngyam tankihrübo ju Ophel ching lakheah. Tüsho arü kurungkheak Ziha tüsho Gishpa anenü kheah.

22 Levirü rhuakheahrü Jirusalem ching labuh ju Hashabia tsührü Bani tsührü Uzzi. Api jipürü Mattania tüsho Mika, tüsho api mukhungmüdan khün ching mulong jihrü Asaph guk chingnü ah.

23 Judüki kiuthsü yukhüm ching lakhi yande guk aban chingnü nimung aban arüngyam ching akhinashu thsüde khün be.

24 Meshezabel tsührü Pethahia, Zera guk tüsho Juda trük, apinü Persia mahkhappung ching Israelrü thsung thsüde be.


Jirusalem Hobah Alakhi Mihtsürübo

25 Mihtsürü ahihkhüh arü lu phüni kiutobo ching la. Juda trükbo tüsho Kiriath-arba, Dibon Jekabzeel tüsho ju mühi kiulongbo ching la.

26 Tüsho arübo Jeshua, Molada, Beth-pelet,

27 Hazarshual, Beersheba tüsho ju mühi kiulongbo ching she la.

28 Arü Ziklag kiuto, Mekona tüsho kiulongbo,

29 Enrimmon, Zora, Jarmuth,

30 Zanoa, Adullam, tüsho ju mühi kiulongbo ching la. Arübo Lakish tüsho thulu phünide, Azeka tüsho ju mühi kiulongbo ching la. Junangde Judarü düjinglim Beersheba tüsho dukulim Hinnom dükhün ane dükeak ching la.

31 Benjamin trük Gebar, Mikmash, Ai, Bethel tüsho ju mühi kiulongbo,

32 Anathoth, Nob, Anania,

33 Hazor, Rama, Gittaim,

34 Hadid, Zeboim, Neballat,

35 Lod tüsho keaklahrü dükhün Ono ching la.

36 Juda ching lakhi Levirü khürü Benjaminrü lung la.

Yimkhiung Naga CL Bible - AMÜSÜH HÜM

Copyright © 2008 by The Bible Society of India

Used by permission. All rights reserved worldwide.

Bible Society of India
Lean sinn:



Sanasan