NEHEMIA 10 - AMÜSÜH HÜM CL Bible (BSI)

¹ Akhuh mütsan-dokhi ju, Hakalia tsührü kovünor Nehemia, jushu Zedekianü do. Jushu harübonü do:

² Amükeamrübo: Seraia, Azaria, Jeremia,

³ Pashhur, Amaria, Malkhija,

⁴ Hattush, Shebania, Malluk,

⁵ Harim, Meremoth, Obadia,

⁶ Daniel, Ginnethon, Baruk,

⁷ Meshullam, Abija, Mijamin,

⁸ Maazia, Bilgai, tüsho Shemaia.

⁹ Levirübo: Azania tsührü Jeshua, Henadad tsührü Binnui, Kadmiel,

¹⁰ Shebania, Hodia, Kelita, Pelaia, Hanan,

¹¹ Mika, Rehob, Hashabia,

¹² Zakkur, Sherebia, Shebania,

¹³ Hodia, Bani, tüsho Beninu.

¹⁴ Limberübo: Parosh, Pahathmoab, Elam, Zattu, Bani,

¹⁵ Bunni, Azgad, Bebai,

¹⁶ Adonija, Bigvai, Adin,

¹⁷ Ater, Hezekia, Azzur,

¹⁸ Hodia, Hashum, Bezai,

¹⁹ Hariph, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Jaddua,

²² Pelatia, Hanan, Anaia,

²³ Hoshea, Hanania, Hasshub,

²⁴ Hallohesh, Pilha, Shobek,

²⁵ Rehum, Hashabna, Maaseia,

²⁶ Ahia, Hanan, Anan,

²⁷ Malluk, Harim, tüsho Baana.

Tangzüngachihkhi

²⁸ Aningkhi mihtsürübo, amükeamrü, Levirü, ripit neakrü, khün thsürü, arüngyam tankihrü tüsho Thrünpuh yakzan ching anirü püpürü alalanü isa lo ching larü khiungkerü kheaknü chamkhi, isa le isa niuberü, tüsho tsührübo alalanü rukhüh zamde anikhitbahle,

²⁹ keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

³⁰ Isa lo ching larü khiungkerü kheak isanü müyihluachih.

³¹ Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

³² Kam aban mihbüm kheaknü shotoyinchi düpüt 5 arüngyam thsüpü arung jihbah.

³³ Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

³⁴ Yakzan ching lakhi nangde shepü guknü Atungpuh isa Thrünpuh ki taka kingaünpü sang jihbanü kam aban akhukhitkhi kim ching isa mihtsürübo, amükeamrübo, tüsho Levirübonü azan thsüde alabah.

³⁵ Kam aban akhuh yimlukhi hi tüsho sangdung chingnü akhuh asokhi sangaso isanü arüngyam ching kingaün jihbah.

³⁶ Yakzan ching lakhi nangde tsührü athrürü akhuh zübekhi amükeamrü miki arüngyam ching hande yünü Thrünpuh ki müsükhitbah. Moshi nunu tüsho namfimihnu akhuh adrekhi she müsükhitbah.

³⁷ Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

³⁸ Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

³⁹ Israelrü tüsho Levirübonü hi, yukhu, tüsho oliv müdangke lubah arüngyam pungphuru zopung, tüsho amükeamrü rhimopung, arüngyam aheangrü, tüsho arüngyam khün thsürü boto lapung yam lakhi kukruk zowupung khiungshak ching zobah. Isanü isa Thrünpuh yam mübahyuk.