MUNGSHIKHÜN 98 - AMÜSÜH HÜM CL Bible (BSI)

Thrünpuh ju Alomiküp Yakzanshuhrü

¹ O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

² Atungpuhnü api akhümkhit mükheahshih; apinü trükshihbo miki api thiyuro-lungki amikheak akhiukde huh.

³ Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

⁴ Alomi alalanü asühde Atungpuh ki ahoang; khün thsüde zhiang, asühachihang, tüsho müshi khünbo thsang.

⁵ Bingshang tüsho mungshikhün düsheaknü Atungpuh ki khün thsang,

⁶ hulipungpungbo tüsho shihjuh khungang; Atungpuh , kiulongthsüpuh miki asühde ahoang.

⁷ Keto tüsho ju ching lakhi alala, alomiküp tüsho ju ching lakhinü arungshang;

⁸ ayungbonü arü khahbo damshang; awungbonü rukhüh Atungpuh miki asühachihshang,

⁹ tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.