MUNGSHIKHÜN 93 - AMÜSÜH HÜM CL Bible (BSI)

¹ Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

Thrünpuh ju Kiulongthsürü

² Nü kiulongthsü-binkiu adüsonü thsüa lah; nü a akheam mülade lah.

³ Ketobo shuhkih-a lah, O Atungpuh , ketobonü arü düsheak shuhkihdo; ketobonü arü abükkhibo shuhkihdo.

⁴ Atungpuh changkhi ju ke ahihdo arungkhi, keto abükkhi atobo kheaknü atobe ah.

⁵ Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.