MUNGSHIKHÜN 87 - AMÜSÜH HÜM CL Bible (BSI)

Jirusalem Shikhi

¹ Api khimtan amüsüh müzüngbo kheak lah.

² Atungpuhnü Jakob lapungbo alala kheaknü Zion chipiripitbo muzhobah.

³ Müretahkhibo ju nü dünkheak thakhi lah, O Thrünpuh kiuto!

⁴ “Inü I mükheahrü ki Rahab tüsho Babilon dünkheak thabah; kheahang, O Filistia tüsho Tair, Ethiopia bede: ‘ Ha ju ching zübekheah.’ ”

⁵ Tüsho Zion dünkheak ha thabah, “Ha tüsho ju anihbe ching zübekheah; tüsho Khide Achangbuhnü anihbe düküngshihbah.”

⁶ Apinü mihtsürü thrütchoki Atungpuhnü athrütyukkheah: “Ha ju ching zübekheah.”

⁷ Khün thsürü tüsho kingzükingdorü chidonü thachoh, “I ke-bukpung alala nü kheak lah.”