MUNGSHIKHÜN 70 - AMÜSÜH HÜM CL Bible (BSI)Arung thsungkheak Tamkhüntamnü ( M.Khün 40.13-17 ) 1 O Thrünpuh, I khümkhitpü niokheamang; O Atungpuh , I rungpü nahde arang! 2 I rhangdung yimrü achih ngüshang tüsho zhazhashang; I yuripü künrü rholoshang tüsho yingyingshang. 3 Arü achihkhi hode rholode tsoshang, sherünü tha, “Aha, aha!” 4 Nü yimrü alala nü lung asühachihshang tüsho asühshang; tüsho nü akhümkhit muzhorünü mutuklode thashang, “Thrünpuh müretahshang!” 5 Tüshe I a zhochihrü tüsho mülamüthsürü ah; I kilim nahdang, O Thrünpuh! Nü I rungrü tüsho I bekhitrü; O Atungpuh , dashu. |
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
Bible Society of India