MUNGSHIKHÜN 67 - AMÜSÜH HÜM CL Bible (BSI)1 Thrünpuhnü isa ki müthsümshang tüsho isa müngühshang tüsho api miro isa kheak yinshang. Makshe-jihkhi Khün 2 Junangde alomiküp lüpdükhinü nü lümkhi mükheahbah; trükshih alalanü nü akhümkhit mükheahbah. 3 Mihtsürübonü nü shishang, O Thrünpuh; mihtsürü alalanü nü shishang! 4 Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh. 5 Mihtsürübonü nü shishang, O Thrünpuh; mihtsürü alalanü nü shishang! 6 Judüki alonü nihbe alü akhiukshihbah; Thrünpuh, isa Thrünpuhnü isa müngühjihbah. 7 Thrünpuhnü isa müngühjihbah, tüsho alomi akheambo alalanü api trebah. |
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
Bible Society of India