MUNGSHIKHÜN 61 - AMÜSÜH HÜM CL Bible (BSI)

¹ Inü azhikhi sojang, O Thrünpuh, I tamkhüntamnü anijang;

Kümdopü Tamkhüntamnü

² I mulong shekhia lachoki, inü alomi akheam chingnü nü jichoh. I kheaknü achangbe lungto lim nünü I beang;

³ tümüde nü I tsoyukpung, thiriri azhihde aheangsadam amüküp khülang ah.

⁴ Nü khimyam ching lünnü I labah; nü ghidükeang khüp inü akinbah.

⁵ Tümüde nünü I thiyuchihchimkhi so, O Thrünpuh, nünü nü mung trerü yamrüplurüp I kilim jih.

⁶ Kiulongthsüpuh rhangdung ashang kamshang; api kambo lün ahihdo lashang.

⁷ Thrünpuh miki lünnü api kiulongthsü lashang; nü muzhodakkhi tüsho thiyuronü api kümdojang.

⁸ Jumonü inü lünnü nü mungshikhünbo thsübah, junangde inü nimung aban I yuchihchimkhi rhimobah.