MUNGSHIKHÜN 6 - AMÜSÜH HÜM CL Bible (BSI)

Arung Tamkhüntamnü

¹ O Atungpuh , nü bukakhiukkhi ching I düthürüh, yungsho nü mulong zhipzhip ching I düthsümüchi.

² I ki amüthsüm laang, O Atungpuh , tümüde I sühmüh müla; O Atungpuh , I thsüngujang, tümüde I robo thsünü ching lah.

³ I me she tode küpkhuklah; tüshe O Atungpuh , külokhüh laba?

⁴ Rholoang, O Atungpuh , I rhangdung bekhitang; nü amüthsüm lakhi hode I khümkhitang.

⁵ Tümüde ashekhi ching nü lümkhitpü müla; Ashe-lomi ching shenü nü shikhukpü?

⁶ Ashearakhinü I khiabahdo, atripkhinü tsüngre aban I yapkiu chimkhitchoh; chikenü I kumükhambe chimkhita lah.

⁷ Mulong rozhakkhinü I mük keahkhia lah; I riri ahihkhüh lakhi hode mürheakkhukde kamchoh.

⁸ Nüsa amütsü-rhimorü alala I kheaknü chamachihang; tümüde I tripkhi düsheak Atungpuhnü sodo.

⁹ Inü amushukhi Atungpuhnü sodo; Atungpuhnü I tamkhüntamnü leangkhido.

¹⁰ I riri alala achih ngübah tüsho tode küpkhukbah; arü zukleangnü achih ngüa rholode atsobah.