MUNGSHIKHÜN 54 - AMÜSÜH HÜM CL Bible (BSI)

Thiriribo kheaknü Azhipdopü Tamkhüntamnü

¹ O Thrünpuh, nü wunü I khümkhitang; nü sühmühnü I zuzu kamshang!

² I tamkhüntamnü sojang, O Thrünpuh; I yubo anijang!

³ Tümüde jaksorünü I azhihde wusudo, tüsho junorünü I rhangdung yimchoh; arünü arü müngüh Thrünpuh mülashih.

⁴ Kheahang, Thrünpuh ju I rungrü ah; Atungpuh ju I rhangdung tsunglorü ah.

⁵ Apinü I riribo kilim amütsü jihlobah; nü thiyuro lakhi ching arü akheam thsüshang.

⁶ Inü zuzu thsüde nü kilim shuhmülanga jihbah; inü nü mung shibah O Atungpuh , tümüde ha tsülah.

⁷ Tümüde apinü I küpkhuk alala chingnü bekhit; tüsho I riribo kukkhi I müknü ngüdo.