MUNGSHIKHÜN 43 - AMÜSÜH HÜM CL Bible (BSI)

¹ O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

² Tümüde nü a I sühmüh Thrünpuh ah; tümüde nünü I bahyukkhea? Tümüde I ririnü junode I tüzhopü?

³ Nü yo ayin tüsho thiyuro arübah I beshang; arünü I nü amüsüh wung tüsho arüngyam lim bede yüshang.

⁴ Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

⁵ Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.